विराटनगर । मोरङको विराटनगर महानगरपालिका-४ बरगाछीस्थित हेरिटेज इन्टरनेसनल स्कुलले स्विमिङ प्रतियोगिताको आयोजना गरेको छ । हेरिटेज इन्टरनेसनल स्कलले कक्षा ४ देखि ७ सम्मका विद्यार्थीहरूको फ्रिस्टाइल ५० मिटर स्विमिङ प्रतियोगिताको आयोजना गरेको हो ।
उक्त प्रतियोगिताअन्तर्गत फ्रिस्टाइल ५० मिट छात्रतर्फ कक्षा ७ का साम्राज्यजंग बस्नेतले पहिलो हुँदै गोल्ड मेडल भने कक्षा ७ का स्वयमराज घिमिरेले सिल्वर मेडल हात पार्दा कक्षा ४ का अर्चित शर्मा तेस्रो बने ।
फ्रिस्टाइल ५० मिटर छात्रतर्फको खुल्ला प्रतियोगिता कक्षा ७ का गोविन्दगोयल अग्रवालले स्वर्ण पदक जिते भने दोस्रो बनेका कक्षा ४ का आदर्श घिमिरेले रजत जिते । उक्त स्पर्धामा कक्षा ४ कै आराव यादवले तेस्रो हुँदै कांस्य पदक जिते ।
छात्रातर्फको फ्रिस्टाइल ५० मिटर खुल्ला प्रतियोगितामा कक्षा ६ कि प्रियांशी कार्कीले गोल्ड मेडल हासिल गर्दा कक्षा ७ कि मान्स्वी आचार्य दोस्रो बनिन् । ४ कक्षाकै मेषना श्रेष्ठले ब्रोन्ज मेडल हात पारिन् ।
यस्तै, फ्रिस्टाइल ५० मिटरमा छात्रातर्फको गोल्ड मेडल कक्षा ६ कि युरिशा पोखरेलले जितिन् भने कक्षा ४ कि जेनिशा घिमिरे दोस्रो हुँदा कक्षा ४ कै काश्वी अग्रवाल तेस्रो बनिन् ।
उनीहरूलाई स्कुलका प्रिन्सिपल सुशान्त बानियाँले पदक र प्रमाणपत्रसहित पुरस्कृत गरे । प्रिन्सिपल बानियाँका अनुसार बिहीबार (भोलि) कक्षा १ देखि ३ सम्मका विद्यार्थीहरूको स्विमिङ प्रतियोगिता हुने छ ।
विराटनगरको उत्कृष्ट विद्यालयमध्येको एक हेरिटेजले पठनपाठनका अलाबा विभिन्नखाले अतिरिक्त क्रियाकलापहरू गराइरहेको छ । हालैमात्र उसले कक्षा ४ देखि १० कक्षासम्मका विद्यार्थीहरूलाई महिनावारी, महिनावारीको समयमा हुने शारीरिक र भावनात्मक परिवर्तनहरू, महिनावारीको समयमा हुने गलत अभ्यासलगायत विषयमा सचेत गराएको थियो ।
विराटनगर नर्सिङ क्याम्पसकी सहायक प्राध्यापक पुनम मण्डलले सहजकर्ताको भूमिका निभाएकी उक्त कार्यक्रममा महिनावारीका विषयमा विद्यार्थीहरूका लागि सचेतनामुलक ‘सेसन’ चलाइएको थियो ।
