विराटनगर । मोरङको कानेपोखरी गाउँपालिकामा कानेपोखरीमा मापसे गरेर चलाएको मोटरसाइकल दुर्घटना हुँदा एक जना घाइते भएका छन् ।
सोमबार दिउँसो २:३० बजेतिर कानेपोखरी-४ प्रणामी चोकमा पश्चिमबाट पूर्वतर्फ जाँदै गरेको को २८ प ९५७० नम्बरको मोटरसाइकल दुर्घटनामा परेको थियो ।
आफैं अनियन्त्रित भई दुर्घटना हुँदा मोटरसाइकल चालक कानेपोखरी-४ पिङडाडा बस्ने ५५ वर्षीय वीरबहादुर मगरको टाउको र अनुहारमा चोट लागेको हो ।
उनको स्थानीय रमाइलो उपचार क्लिनिकमा उपचार भइरहेको प्रहरीले जनाएको छ । चालकको साथमा सवारी चालक अनुमतिपत्रसमेत नभएको र मापसे गरी सवारी चलाएको प्रहरीले जनाएको छ ।
