विराटनगर । कोशी प्रदेशमा मादक पदार्थ सेवन (मापसे) गरेर सवारीसाधन चलाउने २१ जनालाई शनिबार ट्राफिक प्रहरीले कारबाही गरेको छ ।
राजमार्ग सुरक्षा तथा ट्राफिक व्यवस्थापन कार्यालय, इटहरीका अनुसार २० मोटरसाइकल र एउटा कार गरी २१ वटा सवारी साधन मापसेको कारबाहीमा परेका हुन् ।
शनिबार प्रदेशभरि ट्राफिक प्रहरीले पाँच सय ३९ सवारीसाधन चेकजाँच गरेको थियो, जसमध्ये ६५ सवारी कारबाहीमा परेका थिए ।
ट्राफिक उल्लंघन, कागजपत्र नबोकेका र मापसे गरी कुदाएका सवारी साधनलाई कारबाही गरिएको ट्राफिक प्रहरीले जनाएको छ ।
शनिबार प्रदेशका विभिन्न जिल्लामा १५ वटा सवारी दुर्घटना भएका छन्, जसमा २५ जना घाइते भएका छन् ।
