बेलबारी । मोरङको बेलबारी नगरपालिकामा इलेक्ट्रिक साइकलबाट कुदाउँदै गरेका ८५ वर्षीय वृद्ध सडकमा पछारिएर गम्भीर घाइते भएका छन् ।
घाइते हुनेमा बेलबारी-९ बस्ने अन्दाजी ८५ वर्षीय बलदेव साह रहेको प्रहरीले जनाएको छ ।
बिहीबार मध्याह्न १२:२० बजेतिर बेलबारी-४ बेतना तीनपैनीस्थित पूर्व-पश्चिम राजमार्गमा वृद्ध उमेरका इलेक्ट्रिक साइकल यात्री लडेर घाइते भएका छन् भन्ने सूचनाका आधारमा प्रहरी पुगेको थियो ।
प्रहरीले उनलाई उपचारका लागि नोबेल अस्पताल, विराटनगरतर्फ पठाएको थियो । उनको शरीरको विभिन्न भागमा चोट लागेर अवस्था गम्भीर रहेको प्रहरीले जनाएको छ ।
उपचारमा उनका आफन्त संलग्न रहेको र साइकल प्रहरी चौकी डाँगिहाटको नियन्त्रणमा रहेको छ ।
