जहदा । मोरङको जहदा गाउँपालिका-६ पोखरिया टोलमा एक वर्षीय बालक मोटरसाइकलको ठक्करबाट गम्भीर घाइते भएका छन्।
प्रहरीका अनुसार सोमबार साँझ करिब ६:४५ बजेतिर पोखरियाबाट भारततर्फ जाँदै गरेको को ३ प ४५३६ नम्बरको १०० सिसी मोटरसाइकलले स्थानीय सरोजकुमार दासका एक वर्षीय छोरा सुशान्तकुमार दासलाई ठक्कर दिएको थियो।
ठक्करबाट बालकको टाउकोमा गम्भीर चोट लागेको थियो । उनलाई तत्काल उपचारका लागि कोशी अस्पताल विराटनगर पठाइएको छ।
मोटरसाइकल चालक, धनपालथान गाउँपालिका-१ का १९ वर्षीय करण ऋषिदेवलाई इलाका प्रहरी कार्यालय पोखरियाले नियन्त्रणमा लिएको छ।
दुर्घटनास्थल ट्राफिक प्रहरी पोस्ट कर्सियाबाट करिब ७-८ किलोमिटर पश्चिम दक्षिणमा पर्छ।
प्रारम्भिक अनुसन्धानबाट मोटरसाइकल तीव्र गतिमा चलाइएको देखिएको छ।
चालकले मदिरा सेवन नगरेको पाइएको छ, तर सवारी चालक अनुमतिपत्र तत्काल साथमा नभएको प्रहरीले जनाएको छ। थप अनुसन्धान जारी रहेको बताइएको छ।
