विराटनगर । मोरङको कानेपोखरी गाउँपालिकामा पिकअपको ठक्करबाट पैदलयात्रीको मृत्यु भएको छ ।
बुधबार बेलुका ८:४० बजेतिर पूर्व-पश्चिम राजमार्गअन्तर्गत कानेपोखरी-७ लेटाङमोडमा कानेपोखरीबाट पथरीतर्फ जाँदै गरेको प्रदेश १-०१-००१ च ७६८६ नम्बरको बोलेरो पिकअपले पैदलयात्रीलाई ठक्कर दिएको थियो ।
पैदलयात्री तत्काल नाम-थर नखुलेको तराई बासीजस्तो देखिने अन्दाजी ५२ वर्षीय पुरुष घाइते भएको प्रहरीले जनाएको छ ।
टाउको, खुट्टा र अनुहारमा चोट लागेपछि उनलाई तत्काल उपचारको लागि मदन भण्डारी ट्रमा सेन्टर
मंगलबारे पठाइएको थियो ।
तर, अवस्था गम्भीर रहेपछि थप उपचारका लागि विराटनगरस्थित नोबेल अस्पताल ल्याइएको थियो ।
उपचारका क्रममा आज बिहान १ः४० बजेतिर मृत्यु भएको प्रहरीले जनाएको छ ।
प्रहरीले दुर्घटनामा परेको पिकअप र चालक इलामको इलाम नगरपालिका-८ तिलकेनी बस्ने २१ वर्षीय सोनाम लुहागुनलाई नियन्त्रणमा लिएको छ ।
गाडी र चालकलाई अस्थायी प्रहरी पोस्ट कानेपोखरीमा राखिएको छ ।
तीव गतिमा गाडी कुदाएका कारण दुर्घटना भएको प्रहरीको प्रारम्भिक अनुसन्धानले औंल्याएको छ ।
