विराटनगर । मोरङको विराटनगर महानगरपालिका-२ का एक पुरुषले आत्मदाहको प्रयास गरेका छन् ।
स्थानीय ३९ वर्षीय पवनकुमार कामतले पेट्रोल खन्याएर आफ्नै शरीरमा आगो लगाउँदै आत्महादको प्रयास गरेका हुन् ।
विराटनगर-७ हरियाली टोलमा मंगलबार साँझ ७:४० बजेतिर कामतले आफ्नै शरीर जलाउने प्रयास गरेको मोरङ प्रहरीका प्रवक्ता प्रहरी नायब उपरीक्षक ज्ञानेन्द्रबहादुर बस्नेतले जनाए ।
आत्मदाहको प्रयास गरेका कामतको ७० प्रतिशत शरीरको भाग आगोले जलेको । शरीर जलेर गम्भीर घाइते भएका उनको कोशी अस्पतालमा उपचार भइरहेको छ ।
प्रहरीका अनुसार कामत केही समयदेखि पारिवारिक तनावमा रहेको पाइएको थिए । केही दिनअघि पत्नीसँग समेत सम्बन्धविच्छेद भएको प्रहरीको भनाइ छ ।
