इलाम । इलाममा माई खोलामा पौडी खेल्न गएका दुई बालकको डुबेर मृत्यु भएको छ ।
माइ नगरपालिका-८ का दुई बालकको माई खोलामा डुबेर मृत्यु भएको जिल्ला प्रहरी कार्यालय इलामले जनाएको छ ।
इलामका प्रहरी नायब उपरीक्षक प्रकाश जबेगूका अनुसार मृत्यु हुनेमा स्थानीय विक्रम लिम्बूका छोरा ११ वर्षीय मिङसुहाङ लिम्बू र सोही स्थानका राजेन्द्र आङदेम्बेका छोरा अन्दाजी ८/९ वर्षीय किस्मन आङदेम्वे रहेका छन् ।
पानीमा फेला परेका मिङसुहाङलाई उद्धार गरी स्थानीय मेडिकलमा लगिएको थियो । त्यहाँ उपचार सम्भव नभएपछि थप उपचारका लागि बिएन्डसी अस्पताल लैजाने क्रममा बाटैमा मृत्यु भएको प्रहरीले जनाएको छ ।
उनीसँगै पौडी खेल्न गएका अर्का बालक किस्मनलाई भने खोजी गर्नेक्रममा इलामको घिरलिङ भन्ने ठाउँमा पानीमा मृतावस्थामा भेटिएको प्रहरीले डिएसपी जबेगूले बताए ।
