विराटनगर । विराटनगर महानगरपालिका-५ मा अवस्थित किड्स भिलेज स्कुलमा निःशुल्क स्वास्थ्य शिविर आयोजना गरिएको छ ।
बिहीबार बुद्ध जयन्तीको अवसर पारेर किड्स भिलेज निःशुल्क स्वास्थ्य शिविर आयोजना गरिएको थियो, जसमा दुई सय ३५ विद्यार्थी लाभान्भित भएका छन् ।
स्कुलले विराट नर्सिङ होमको प्राविधिक सहयोगमा आफ्ना विद्यार्थीहरूको शिविर आयोजना गरेको थियो ।
वरिष्ठ बाल तथा आँखा रोग विशेषज्ञहरूको उपस्थिति रहेको शिविरमा दुई सय ३५ जना विद्यार्थीहरूले स्वास्थ्यजाँच गराएको स्कुलका म्यानेजिङ डाइरेक्टर पंकज जैनले बताए ।
पछिल्लो समयमा बढेको गर्मीका कारण धेरै बालबालिकाहरूमा स्वास्थ्य समस्या देखिएकोले शिविर आयोजना गरिएको उनको भनाइ छ ।
