विराटनगर । मोरङको पथरीशनिश्चरेमा रुखमा मोटरसाइकल ठोक्किएर दुर्घटना हुँदाएकजनाको मृत्यु भएको छ । सोही मोटरसाइकलको पछाडि सवार महिला गम्भीर घाइते भएकी छन् ।
हिजो ४ः३० बजेतिर पथरीशनिश्चरे नगरपालिका-१ भित्री सडकखण्डमा पथरीबाट जाँतेतर्फ जाँदै गरेको प्र १ -०२-०४३ प ७२५१ नम्बरको मोटरसाइकल रुखमा ठोक्किएर दुर्घटना भएको थियो ।
पथरीबाट जाँते घर फर्कने क्रममा सडक छेउकै सखुवाको रुखमा ठोकिँदा दुर्घटना भएको थियो ।
जसमा लेटाङ नगरपालिका-८ जाँते अन्धेरीका अन्दाजी २५ वर्षीय दिपेश राईको मृत्यु भएको हो । मोटरसाइकलको पछाडि सवार अन्दाजी २३ वर्षीय ललिता राई भने गम्भीर घाइते भएकी छन् ।
दुर्घटनामा दुवै जना गम्भीर घाइते भएका थिए । उपचारका क्रममा दिपेशको भदन भन्डारी अस्पताल ट्रामासेन्टर उर्लाबारीमा मृत्यु भएको प्रहरीले जनाएको छ ।
ललिताको भने न्युरो अस्पताल विराटनगरमा उपचार भइरहेको छ । तीब्र गतिमा मोटरसाइकल कुदाउँदा दुर्घटना भएको प्रहरीको प्रारम्भिक अनुसन्धानले औंल्याएको छ ।
