विराटनगर । मोरङको विराटनगर महानगरपालिका-४ एयरपोर्ट गेटमा सिटी सफारीको ठक्करबाट एक बालिका घाइते भएकी छन् ।
घाइते हुनेमा विराटनगर-३ बस्ने गीता निरौलाकी छोरी पाँच वर्षीया दीक्षा निरौला रहेकी छन् ।
शनिबार साँझ ५:४० बजेतिर एयरपोर्ट गेटस्थित पूर्वबाट पश्चिमतर्फ आउँदै गरेको प्र १-०२-००४ह २५५९ नम्बरको सिटी सफारीले दीक्षालाई ठक्कर दिएको थियो ।
सिटीको ठक्करबाट दीक्षाको गाला तथा शरीरका विभिन्न भागमा चोट लागेको छ । उनलाई उपचारको लागि विराटनगरस्थित नोबेल अस्पताल पठाइएको प्रहरीले जनाएको छ ।
सिटी सफारी चालक विराटनगर-४ बस्ने अन्दाजी ३५ को भुनेश्वर पाठक पनि घाइते भएका छन् ।
बालिकाले एक्कासि बाटो क्रस गर्दा दुर्घटना भएको प्रहरीको प्रारम्भिक अनुसन्धानमा खुलेको छ । सिटीको सवारी चालक अनुमतिपत्र नभएको प्रहरीले जनाएको छ ।
