फाइल तस्बिर विराटनगर । सुनसरीको बर्जु गाउँपालिकामा मोटरसाइकल दुर्घटना हुँदा एक जना घाइते भएका छन् ।
बुधबार बिहान साढे ८ बजे भएको दुर्घटनामा देवानगन्ज गाउँपालिका-२ बस्ने २६ वर्षीय अरकासकुमार यादव घाइते भएका छन् ।
बर्जु-५ पण्डित टोलस्थित हुलाकी राजमार्गमा चिमडीबाट देवानगन्जतर्फ जाँदै गरेको को ६ प ३७८६ नम्बरको मोटरसाइकल दुर्घटनामा परेको थियो ।
आफैं अनियन्त्रित भएको मोटरसाइकल बाटोबाट अन्दाजी १० फिट तल झरी दुर्घटना हुँदा चालक यादव घाइते भएका थिए ।
उनको अनुहारमा चोट लागेर अवस्था गम्भीर बनेको थियो । उनलाई उपचारको लागि नोबेल अस्पताल विराटनगर ल्याइएको प्रहरीले जनाएको छ ।
मोटरसाइकल तीव्र गतिमा कुदाएका कारण दुर्घटना भएको प्रहरीको प्रारम्भिक अनुसन्धानमा खुलेको छ ।
