विराटनगर । मोरङको ग्रामथान गाउँपालिकामा शनिबार राति अनियन्त्रित भई मोटरसाइकल दुर्घटना हुँदा एक जना गम्भीर घाइते भएका छन् ।
गएराति १०:३० बजेतिर ग्रामथान-७ खद्राचौकस्थित नेताचौक खनार भित्री सडकखण्डमा नेताचोकबाट खद्रातर्फ जाँदै गरेको प्रदेश १-०२-०५२ प ४७७७ नम्बरको मोटरसाइकल दुर्घटना भएको थियो ।
आफैं अनियन्त्रित भई दुर्घटना हुँदा मोटरसाइकल चालक ग्रामथान-७ का अन्दाजी २५ वर्षीय विशाल चौधरी गम्भीर घाइते बनेका हुन् ।
उनको टाउको, दुवै हात-खुट्टामा चोट लागेको छ । गम्भीर घाइते उनको उपचार विराट टिचिङ अस्पताल विराटनगरमा भइरहेको प्रहरीले जनाएको छ ।
दुर्घटनामा परेको मोटरसाइकल इलाका प्रहरी कार्यालय, हरैंचाले नियन्त्रणमा लिएर थप अनुसन्धान थालेको छ ।
दुर्घटनामा परेका विशालको साथमा सवारी चालक अनुमतिपत्रसमेत साथमा नभएको प्रहरीले जनाएको छ ।
मोटरसाइकल तीव्र गतिमा कुदाएका कारण दुर्घटना भएको प्रहरीको प्रारम्भिक अनुसन्धानमा खुलेको छ ।
