विराटनगर । मोरङ पथरीशनिश्चरे नगपालिकामा शनिबार मोटरसाइकलको ठक्करबाट साइकलयात्रीको मृत्यु भएको छ ।
मृत्यु हुनेमा पथरीशनिश्चरे-१० का ५० वर्षीय प्रेमबहादुर चौहान रहेको प्रहरीले जनाएको छ ।
हिजो साँझ ६:२० बजेतिर पथरीशनिश्चरे-१ स्थित पश्चिम बसस्टेन्ड छेउमा कानेपोखरीबाट पथरीतर्फ आउँदै गरेको प्रदेश १-०२-०५२प २२१७ नम्बरको मोटरसाइकलले साइकललाई ठक्कर दिएको थियो ।
सोही दिशाबाट आउँदै गरेको साइकललाई ठक्कर दिँदा चौहान गम्भीर घाइते भएका थिए ।
उपचारको लागि विराटनगरस्थित नोबेल शिक्षण अस्पताल पठाएकोमा उपचारका क्रममा साँझ ७ः३० बजे मृत्यु भएको हो ।
सो दुर्घटनामा मोटरसाइकल चालक पथरीशनिश्चरे-१ शिखरचोकका ५१ वर्षीय किरण घिमिरे सामान्य
घाइते भएका छन् ।
पथरी अस्पताल, पथरीमा उपचार गराएपछि इलाका प्रहरी कार्यालय, पथरीले उनलाई नियन्त्रणमा लिएको छ ।
