विराटनगर । सुनसरीको इटहरी उपमहानगरपालिकामा ट्रकको ठक्करबाट वृद्धाको मृत्यु भएको छ ।
बिहीबार मध्याह्न साढे १२ बजे इटहरी-६ मिलन चोकमा ना ८ ख ३२८५ नम्बरको ट्रकले ठक्कर दिँदा इटहरी-४ मिलन चोक बस्ने ७१ वर्षीया दुर्गादेवी पौडेलको मृत्यु भएको हो ।
पूर्व-पश्चिम लोकमार्गमा इटहरी मिलन चोकबाट पूर्वतर्फ जाँदै गरेको गरेको ट्रकमले उत्तरबाट दक्षिणतर्फ सडक क्रस गर्दै गरेकी पैदलयात्री पौडेललाई ठक्कर दिएको थियो ।
ट्रकको ठक्करबाट टाउकोमा गम्भीर बोकेकी पौडेललाई उपचारको लागि धरानस्थित बिपी कोइराला स्वास्थ्य विज्ञान प्रतिष्ठान पुर्याइएको थियो ।
अस्पताल पुर्याइनासाथ डाक्टरले मृत घोषणा गरेको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, इटहरीले जनाएको छ ।
दुर्घटनापछि इलाका प्रहरी कार्यालय, इटहरीले ट्रक र ट्रकका चालक दोलखा तामाकोशी गाउँपालिका-५ का २१ वर्षीय सुमन बुढाथोकीलाई नियन्त्रणमा लिएको छ ।
चालकको लापरवाहीले गर्दा दुर्घटना भएको प्रहरीको प्रारम्भिक अनुसन्धानबाट खुलेको छ ।
