झापा । झापामा अटोको ठक्करबाट नौ वर्षीया बालिकाको मृत्यु भएको छ भने अरू दुई जना घाइते बनेका छन् ।
आइतबार साँझ ७ः१० बजेतिर झापाको शिवसताक्षी नगरपालिका-८ सम्झना चोकमा अटोले दुईवटा साइकललाई ठक्कर दिएको थियो ।
हाइवेमा पूर्वबाट पश्चिमतर्फ जाँदै गरेको मे १ ह ५८०५ नम्बरको अटोले दुइटा साइकललाई ठक्कर दिँदा साइकलमा
सवार तीन जना घाइते भएका थिए ।
एउटा साइकलमा शीतल र उनका बुवा दिलीप सवार थिए भने अर्को साइकलमा गोमा सवार रहेकी थिइन् ।
पछाडिबाट आएको अटोले दुवै साइकललाई ठक्कर दिएको प्रहरीले जनाएको छ ।
अटोको ठक्करबाट साइकल चालक शिवसताक्षी-८ का ३१ वर्षीय दीलिप श्रेष्ठ र उनका दुई छोरीहरट्ठ शीतल र गोमा घाइते भएका थिए ।
तीनै जनलाई उपचारका लागि बिर्तामोडस्थित बिर्तासिटी अस्पताल पुर्याइएकोमा नौ वर्षीया शीतलको बेलुका ८ः१५ बजेतिर मृत्यु भएको प्रहरीले जनाएको छ ।
११ वर्षीया गोमा र दीलिपकको भने सोही अस्पतालमा उपचार भइरहेको छ ।
अटो चालक शिवसताक्षी-८ का ५२ वर्षीय पूर्ण बहादुर भट्टराई इलाका प्रहरी कार्यालय, झिलझिलेले नियन्त्रणमा लिएको छ ।
उनले मादक पदार्थ सेवन गरेको पाइएको प्रहरीले जनाएको छ ।
