विराटनगर । ग्रामथान गाउँपालिका-२ झोराहाटमा रहेको शारदा सेकेन्डरी बोर्डिङ स्कुलले प्रहरी चौकी झोराहाटलाई तीन थान फलामबाट निर्मित खाट सहयोग गरेको छ ।
शारदा स्कुलले सामाजिक कार्यअन्तर्गत यस पटकको सरस्वती पूजाको अवसर पारेर दिनरात जनताको सेवामा खटिएका झोराहाट प्रहरी चौकीका जवानहरूका लागि खाट प्रदान गरेको हो ।
शारदा स्कुलका प्रधानाध्यापक सञ्जयकुमार मण्डल, सह–प्रधानाध्यापक उमेश लुइँटेल, मा.वि.का प्रमुख इन्चार्ज रुद्रनारायण चौधरी र लेखा तथा व्यवस्थापक ऋषिराज दाहालले संयुक्त रूपमा प्रहरी चौकी झोराहाटका प्रमुख एवम् प्रहरी सहायक निरिक्षक कप्लेश्वर स्वर्णकारलाई उक्त खाट हस्तान्तरण गरे ।
