खोटाङ । संविधानसभा सदस्य तथा पूर्वमन्त्री उषाकला राई बुबाको पनि किरिया पुत्री बसेकी छन् ।
यसअघि २०७५ सालमा आमा लक्ष्मी राईको निधन हुँदा पनि उनी कपाल मुन्डन गरेर १३ दिन किरियापुत्री बसेकी थिइन् ।
गत बिहीबार बुबा रुद्रकुमार राईको ८७ वर्षको उमेरमा काठमाडौंमा निधन भएपछि नेतृ राई किरिया पुत्री बसेकी हुन् ।
शुक्रबार पशुपति इलेक्ट्रिक शव दाह गृहमा दागबत्ती दिएर बुबाको अन्तिम संस्कार गरेपछि कपाल मुण्डन गरेर नेतृ राई काठमाडौंस्थित घरमा हिन्दु परम्पराअनुसार बुबाको किरिया पुत्री बसेकी हुन् ।
स्व. राईको एकमात्र सन्तान भएका कारण उनी छोराको रूपमा आफ्नो बुबाको काज किरियामा अघि सरेकी हुन् ।
उषाकला नेकपा एमाले केन्द्रीय सदस्य हुन् । उनी कोसी प्रदेशकी पूर्वसामाजिक विकास मन्त्रीसमेत हुन् ।
