विराटनगर । नेपाल एउटा स्वतन्त्र र सार्वभौमसम्पन्न देश हो । तर, छिमेकी मुलुक भारतले भने नेपाललाई बारम्बार हेप्दै आएको छ, थिचोमिचो गर्दै आएको छ ।
कहिले आर्थिक नाकाबन्दी गर्छ अनि कहिले गौतम बुद्धको जन्मस्थलका बारे विवादास्पद अभिव्यक्ति दिन्छ ।
चाहे त्यो भारतीय प्रधानमन्त्री नरेन्द्र मोदीबाट होस् वा हिन्दी फिल्म, टेलिसिरियलबाट होस् । भारतले के-के निहुँ खोजेर नेपालीहरूलाई अपठ्यारामा पार्दै आएको छ ।
भारतले बेलाबखतमा बुद्धको जन्मस्थानलाई लिएर भ्रामक प्रचार गरिराखेकै छ । यस्तैमा एउटा भारतीय टेलिसिरियलमा सगरमाथालाई पनि भारतको भनेर दाबी गरिएको छ ।
त्यो हिन्दी टेलिसिरियल ‘कैसे मुझे तुम मिल गए’ । जहाँ नेपालको सर्वोच्च शिखर सगरमाथालाई भारतको भनेर गलत प्रचार-प्रसार गरिएको छ ।
भारतको चर्चित टेलिभिजन जी टिभीले प्रसारण गर्दैआएको ‘कैसे मुझे तुम मिल गए’ नामक टेलिसिरियलमा नेपालको सर्वोच्च शिखर सगरमाथालाई भारतको भनेर प्रचार गरिएको हो ।
सो टिभी सिरियलको हालै प्रकाशित नयाँ एपिसोडमा नेपालको सगरमाथालाई भारतको भनेर प्रस्तुत गरिएको छ ।
सिरियलको सो एपिसोडमा टेलिसिरियलमा एक पुराना कलाकारले अर्को एक कलाकारलाई सामान्य ज्ञानको प्रश्नोत्तरका क्रममा ‘भारतको सबैभन्दा उच्च पहाडको चुचुरोको नाम के हो ?’ भनेर सोध्छिन् ।
त्यसपछि ती पुरुष कलाकारले ‘माउन्ट एभरेस्ट’ भनेर सहज तरिकाले उत्तर दिन्छन् ।
अनि सिरियलको सो दृश्यमा उपस्थित अन्य कलाकारले ताली बजाउँछन् ।
सो सिरियलको उक्त भागको युट्युब भर्सनमा हेर्न दर्शकमध्ये धेरैले सगरमाथा नेपालमा रहेको जिकिर गरिरहेका छन् ।
कतिपयले स्क्रिप्ट लेख्नेले गलत लेख्यो भनेर सच्याउन माग गरिरहेका छन् । कतिपयले नेपाल सरकारको ध्यानाकर्षण पनि गराएका छन् ।
https://www.youtube.com/watch?v=2PM6cDrfGbU
