विराटनगर। जिल्ला अदालत काठमाडौंले दिपक भट्ट र सुलभ अग्रवाललाई धरौटीमा छाड्न आदेश दिएको छ ।
न्यायाधीश शिवप्रसाद आचार्यको इजलासले तीन फरक मुद्दामा उनीहरुलाई धरौटीमा छाड्न आदेश दिएको हो ।
सम्पत्ति शुद्धीकरण सम्बन्धी कसुरमा विशेष अदालतको आदेशले उनीहरु थुनामै छन् ।
जिल्ला अदालतले बीमा ऐन अन्तर्गतको कसुरमा अग्रवालसँग दुई करोड रुपैयाँ धरौटी माग गरेको छ । भट्टसँग एक करोड ५० लाख धरौटी माग गरेको छ ।
धितोपत्र सम्बन्धी ऐन अन्तर्गतको अर्को मुद्दामा जिल्ला अदालतले अग्रवालसँग दुई करोड ३० लाख रुपैंया धरौटी माग गरेको छ ।
विशेष अदालतले धितोपत्र सम्बन्धी तेस्रो मुद्दामा अग्रवालसँग एक करोड ५० लाख र दिपक भट्टसँग एक करोड रुपैयाँ धरौटी माग गरेको हो ।
