विराटनगर- मोरङको रंगेली नगरपालिका-५, भेडुवाथानमा प्रतिबन्धित लागुऔषधसहित भारतीय नागरिक पक्राउ परेका छन्।
इलाका प्रहरी कार्यालय रंगेलीबाट खटिएको प्रहरी टोलीले शनिबार राति ८:३० बजे भारतबाट नेपालतर्फ आउँदै गरेको बीआर ३८ एएच ८७९८ नम्बरको मोटरसाइकल चेकचाँज गर्ने क्रममा ३ हजार ५ सय क्याप्सुल ट्रामाडोल फेला परेको हो।
मोटरसाइकलमा लुकाइछिपाइ लागुऔषध ओसारपसार गरिरहेको पाइएपछि मोटरसाइकल चालक भारतको विहार प्रदेशस्थित अररिया सिक्टी थाना आपँगाछी पञ्चायत लेटी गाउँ-१४ बस्ने २५ वर्षीय अभिषेककुमार मण्डललाई पक्राउ गरिएको प्रहरीले जनाएको छ।
पक्राउ परेका उनलाई इलाका प्रहरी कार्यालय रंगेलीको हिरासतमा राखेर थप अनुसन्धान अघि बढाइएको छ।
