विराटनगर । वैशाख महिना लागेपछि देशभर ४ सय २२ विपद्का घटना भएका छन् ।
वैशाख १ देखि १२ गतेसम्म देशभर भएका विपद्मा परेर २३ जनाको मृत्यु भएको छ भने ७३ घाइते भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणकाले जनाएको छ ।
आगलागीमा २ सय १७, चट्याङ १४, हुरीबतासका २९ र लेक लागेर तीन घटना भएका छन् । त्यस्तै, डुङ्गा पल्टेर एक, डढेलो ११४, सर्पदंश २०, जनावर आक्रमण १६, पहिरो, भारी वर्षा, बाढी र असिनाका समान दुई-दुईवटा घटना घटेका छन् ।
यस अवधिमा मात्रै ५२७ घटना घटेका छन् । यस्तै, वैशाख ११ गते बिहानदेखि वैशाख १२ गते बिहानसम्म २४ घण्टामा मात्रै ३२ वटा विपद्का घटना भएका छन् । कुल २७ जिल्ला विपद्का कारण प्रभावित भएका छन् ।
