काठमाडौं – राष्ट्रिय विपद् जोखिम न्यूनीकरण तथा व्यवस्थापन प्राधिकरणले विपद् जोखिम न्यूनीकरणका लागि प्रभावकारी कार्ययोजना बनाउने तयारी गरेको जनाएको छ।सिंहदरबारमा बसेको बैठकमा प्राधिकरणका कार्यकारी प्रमुख दिनेश प्रसाद भट्टले सबै जिल्लाबाट तथ्यांक संकलन गरेर योजना तयार पारिने जानकारी दिएका छन्।
उनका अनुसार प्रत्येक जिल्लामा रहेको कोष, सामग्री र विपद्पछि गरिएका कामहरूको विवरण संकलन भइरहेको छ। बैशाख १५ भित्र सबै जानकारी आएपछि छिट्टै नयाँ योजना तयार गरिनेछ।प्राधिकरणले स्थानीय तहको सिफारिसका आधारमा विपद् जोखिम न्यूनीकरण तालिम दिने काम पनि गरिरहेको छ। साथै, विपद्मा प्रभावकारी काम गर्ने व्यक्तिलाई पुरस्कृत गर्ने योजना पनि ल्याइँदैछ।
विपद्पछि नागरिकलाई छिटो राहत र अस्थायी बसोबासको व्यवस्था गर्न स्थानीय तहसँग समन्वय गरेर काम भइरहेको प्राधिकरणले जनाएको छ। समिति सदस्यहरूले भने मनसुन अघि नै तयारी अवस्थामा रहनुपर्नेमा जोड दिएका छन्।
