ट्रम्पले होर्मुज स्ट्रेटमा बढ्दो तनावबीच बेलायतसहित केही देशहरूले बारुदी सुरुङ हटाउन नौसैनिक जहाज पठाउने जानकारी पनि दिएका छन्।
यसैबीच, उनले नाटो प्रति असन्तुष्टि जनाउँदै आवश्यक समयमा संगठन अमेरिकाको पक्षमा उभिन नसकेको आरोप लगाए। अमेरिकाले ठूलो आर्थिक योगदान गरे पनि अपेक्षाअनुसार समर्थन नपाएको भन्दै उनले नाटोबारे पुनः समीक्षा गर्ने संकेत गरेका छन्।
ट्रम्पले उचित समय आएपछि इरानविरुद्ध कारबाही गर्न अमेरिका पूर्ण रूपमा तयार रहेको बताए। सामाजिक सञ्जालमार्फत उनले अमेरिका “लक्ड एन्ड लोडेड” अवस्थामा रहेको उल्लेख गर्दै सैन्य कदम चाल्न सकिने संकेत दिएका छन्।
यसअघि पनि उनले इरानलाई होर्मुज स्ट्रेट हुँदै जाने जहाजहरू रोक्ने चेतावनी दिएका थिए। उता, इरानले भने उक्त समुद्री मार्ग आफ्नो नियन्त्रणमा रहेको दाबी गर्दै त्यहाँबाट गुज्रिने जहाजले रियालमा शुल्क तिर्नुपर्ने बताएको छ।
