पाल्पाको तिनाउ गाउँपालिका–३ मा एक छात्राले होस्टलमै बच्चा जन्माएपछि विद्यालय र समुदायमा हलचल मच्चिएको छ । तिलोत्तमा माध्यमिक विद्यालयको होस्टलमै एक साता अगाडि कक्षा ११ मा पढ्ने छात्राले छोरी जन्माएकी थिइन् ।
चैत ११ गते राति छात्राले छात्रावासमै बच्चा जन्माएपछि होस्टेल वार्डेनको सहयोगमा उनलाई तत्काल आफन्तको सम्पर्कमा ल्याएर उपचारका लागि बुटवल पठाइएको थियो । स्थानीयले यो घटनाले विद्यालयको निगरानी र जिम्मेवारीमाथि प्रश्न उठेको भन्दै आलोचना गरेका थिए ।
तथापि, सुत्केरी हुनुअघिसम्म पनि ती छात्रा नियमित कक्षामा सहभागी हुनुका साथै विद्यालयमा सञ्चालित परीक्षामा समेत सहभागी हुने गरेकी थिइन् । जसकारण आफूहरू ती छात्राको अवस्थाबारे जानकार नहरेको विद्यालय प्रशासनले जनाएको छ ।
