गत फागुन २१ गते संसदीय निर्वाचन सम्पन्न गराएपछि निर्वाचन प्रहरी रोजगारीका लागि धमाधम विदेशिन थालेका छन् । जनादेशपछि बालेन शाह नेतृत्वमा सरकार गठन भइसकेको अवस्थामा पनि म्यादी प्रहरीहरूले रोजगारीका लागि देश छोड्न थालेका छन् ।
बालेन सरकारको आगमनपछि पनि नयाँ आशा-विश्वास त्यागेर उनीहरू श्रम गर्न विदेशतिर जाँदै छन् । तथापि, कोही भने अविश्वासभन्दा पनि बाध्यताका कारण देश छोड्नेहरूको बीचमा मिसिँदै जाँदा त्रिभुवन विमानस्थलमा भिड पुनः बढ्दै गएको छ ।
