विराटनगर । सम्पत्ति शुद्धीकरण सम्बन्धी मुद्दामा पक्राउ परेका पूर्वऊर्जामन्त्री एवं कांग्रेस नेता दीपक खड्का अस्पताल भर्ना भएका छन् ।
उनलाई सोमबार बिहान महाराजगञ्जस्थित त्रिवि शिक्षण अस्पताल भर्ना गरिएको हो। स्वास्थ्यमा समस्या देखिएपछि अस्पताल भर्ना गरिएको त्रिवि शिक्षण अस्पतालले जनाएको छ ।
नेपाल प्रहरीको केन्द्रीय अनुसन्धान ब्युरो (सीआईबी)ले उनलाई आइतबार बिहान पक्राउ गरेको थियो। आइतबार नै जिल्ला अदालत काठमाडौंमा उनलाई उपस्थित गराइएको थियो।
