जम्मु–कश्मीर – जोजिला पास क्षेत्रमा गएको हिमपहिरोमा परी कम्तीमा सात जनाको मृत्यु भएको छ भने पाँच जना घाइते भएका छन्।
स्थानीय अधिकारीहरूका अनुसार हिमपहिरोका कारण धेरै सवारीसाधनहरू हिउँको भग्नावशेषमुनि फसेका थिए। घटनापछि राजमार्ग पूर्ण रूपमा अवरुद्ध भएको थियो।
पछिल्लो जानकारीअनुसार उद्धार टोलीले शवहरू बरामद गर्नुका साथै घाइतेहरूलाई स्थानीय अस्पतालमा भर्ना गरिसकेको छ। उद्धार तथा राहत कार्य सम्पन्न भएको स्थानीय प्रशासनले जनाएको छ।
