विराटनगर । सुर्खेतको गुर्भाकोट नगरपालिका-६ बडाखोली स्थायी घर भएकी १६ वर्षकी इनिशा विक मृत्यु प्रकरणमा प्रहरीले सामूहिक बलात्कार नभएको निष्कर्ष निकालेको छ । सुर्खेत प्रहरीले सरकारी वकिल कार्यालयमा पेस गरेको अनुसन्धान प्रतिवेदनमा आफूलाई इनिशाका प्रेमी भन्ने १६ वर्षीय किशोरले जबरजस्ती करणी गर्दा संवेदनशील अङ्ग च्यातिएको र अत्यधिक रक्तश्राव हुँदा मृत्यु भएको बताइएको छ ।
प्रहरीले उनीविरुद्ध जबरजस्ती करणी र कर्तव्य ज्यान सम्बन्धी मुद्दा कसुरमा जन्मकैदको मागसहित सिफारिस गरेको छ भने ती किशोरका तीन जना साथीहरूलाई भने इनिशालाई समयमै अस्पताल सहयोग नगरेको र समयमा प्रहरी र परिवारलाई खबर नगरेको भन्ने हिसाबले कर्तव्य ज्यान सम्बन्धी मुद्दा चलाइने भएको छ ।
