विराटनगर । विराटनगर महानगरपालिका–१७ स्थित वडा कार्यालय नजिकैको पूर्व पैनी क्षेत्रमा एक महिलाको शव तन्नाले बेरिएको अवस्थामा फेला परेको छ।
स्थानीय बासिन्दाले मंगलबार साँझ शव देखेपछि प्रहरीलाई खबर गरेका थिए। सूचना प्राप्त भएपछि जिल्ला प्रहरी कार्यालय मोरङ बाट डीएसपी लिलाराज लामिछाने नेतृत्वको टोली घटनास्थलमा पुगेको थियो।
प्रहरीले शव उठाएर पोस्टमार्टमका लागि कोशी अस्पताल पठाएको जनाएको छ।
घटनाबारे थप अनुसन्धान जारी रहेको मोरङ प्रहरीले जनाएको छ।
