रुपन्देहीको तिलोत्तमा नगरपालिका–५ ले युवायुवतीका लागि ड्राइभिङ तालिम कार्यक्रम सञ्चालन गर्ने भएको छ। आर्थिक वर्ष ०८२/०८३ को योजना अन्तर्गत १८ देखि ४० वर्ष उमेर समूहलाई लक्षित गर्दै तालिम सञ्चालन गर्न लागिएको हो।
वडा कार्यालयले इच्छुक स्थायी बासिन्दाबाट ७ दिनभित्र आवेदन दिन आह्वान गरेको छ। आवश्यक मापदण्ड पूरा गर्ने आवेदकलाई प्राथमिकता दिइने जनाइएको छ।
आवेदनका लागि नेपाली नागरिकताको प्रतिलिपि अनिवार्य गरिएको छ भने बसाइँसराइ भएकाले सो सम्बन्धी प्रमाणपत्र वा विवाह दर्ता कागजात पेश गर्नुपर्नेछ।
उम्मेदवारले चैत मसान्तसम्म १८ वर्ष पूरा भई ४० वर्ष ननाघेको तथा कम्तीमा एसईई वा सो सरह उत्तीर्ण गरेको हुनुपर्नेछ। महिलातर्फ एकल महिलालाई विशेष प्राथमिकता दिइने नगरपालिकाले जनाएको छ।
