विराटनगर । नेपाली राष्ट्रिय टोलीका लेगस्पीनर सन्दीप लामिछानेले बेल्जियमको इयू टी-२० लिग खेल्ने भएका छन्।
लिइज रेड लायन्सले सन्दीपलाई टोलिमा भित्र्याएको हो। उनलाई क्लबले ड्राफ्टअघि नै प्रि-साइन गरेको जनाएको छ। यो टोलीमा क्रिस लिन र कोरी एन्डरसन पनि अनुबन्ध भइसकेका छन् ।
सन्दीपलाई मिस्ट्री स्पिन भन्दै स्वागत गरेको छ। टोलीको मुख्य प्रशिक्षकमा हर्षल गिब्स छन् ।
इयू टी-२० लिग बेल्जियमको पहिलो फ्रेन्चाइज क्रिकेट लिग हो। बेल्जियन क्रिकेट फेडरेसनले डेस्टिनो लिजेन्ड्स स्पोर्ट्स एलएलसीसँगको साझेदारीमा आयोजना हुन लागेको लिग आगामी जुन ६ देखि १४ जुनसम्म चल्नेछ।
