काठमाडौं — नेपाल नागरिक उड्डयन प्राधिकरण का अनुसार खोटाङ मा एयर डाइनेस्टीको ‘९ एन–एएफक्यू’ हेलिकप्टर दुर्घटनामा परेको छ।
त्रिभुवन अन्तर्राष्ट्रिय विमानस्थल बाट बिहान ११ बजे उडेको हेलिकप्टर खोटाङको बालबेसी क्षेत्रमा ११:५१ बजे दुर्घटनामा परेको हो।
हेलिकप्टरमा पाइलटसहित ६ जना यात्रु सवार रहेका थिए। दुर्घटनामा एक जना सामान्य घाइते भएका छन् भने अन्य सबै सकुशल रहेको प्राधिकरणले जनाएको छ।
दुर्घटनापछि उद्धारका लागि अर्को हेलिकप्टर घटनास्थलमा पठाइएको छ।
