विराटनगर । जनमत पार्टीका अध्यक्ष सिके राउतले ४८ वर्षकै उमेरमा संसदीय राजनीतिबाट सन्न्यास लिने घोषणा गरेका छन् । हालै सम्पन्न प्रतिनिधिसभा सदस्य निर्वाचनमा सप्तरी २ बाट चुनाव लड्दा तेस्रो बनेका राउतले संसदीय राजनीतिबाट सन्न्यास घोषणा गर्दै ‘संघर्षको राजनीति’ भने जारी राख्ने बताएका छन् ।
सिके राउत नेतृत्वको जनमत पार्टी २०७९ सालको प्रतिनिधिसभा सदस्य र प्रदेशसभा सदस्यको निर्वाचनबाट उदाएको दल हो । सो निर्वाचनमा उपेन्द्र यादवलाई हराउँदै संघीय संसदमा आफ्नो उपस्थित जनाएका थिए । तर, यसपालि भने उनको दलले ८० हजार हाराहारीमा मत पायो भने पार्टीबाट कसैले पनि प्रत्यक्षतर्फ जितेनन् । उनी आफैं पनि तेस्रो स्थानमा सीमित रहे ।
