झापा — पत्रकारलाई अभद्र व्यवहार गरेको आरोपमा कमल गाउँपालिका–६ का ४५ वर्षीय युवराज पाठक लाई प्रहरीले आज बिहान पक्राउ गरेको छ।
जिल्ला प्रहरी कार्यालय झापाका प्रवक्ता खगेन्द्रबहादुर खड्काका अनुसार पाठकले रातोपाटी डटकम कोशीका प्रमुख अर्जुन आचार्य माथि गत फागुन १४ गते अभद्र व्यवहार गरेका थिए।
सोही आरोपमा इलाका प्रहरी कार्यालय दमक र इलाका प्रहरी कार्यालय झिलझिलेको संयुक्त टोलीले उनलाई शिवसताक्षी नगरपालिका–४ बाट नियन्त्रणमा लिएको प्रहरीले जनाएको छ।
पाठकलाई अहिले जिल्ला प्रहरी कार्यालय झापामा राखी थप अनुसन्धान भइरहेको प्रहरीले जानकारी दिएको छ।
