काठमाडौं — नेकपा एमालेका अध्यक्ष केपी शर्मा ओलीलाई पितृ शोक परेको छ। उनका पिता मोहनप्रसाद ओली को ९७ वर्षको उमेरमा आज बिहान निधन भएको हो।
परिवार स्रोतका अनुसार केही समयदेखि अस्वस्थ रहेका मोहनप्रसाद ओलीको उपचारका क्रममा भक्तपुरको गठ्ठाघरस्थित अस्पतालमा निधन भएको हो।
उनको पार्थिव शरीरलाई अहिले भक्तपुरको गुण्डुस्थित निवासमा लैजाने तयारी भइरहेको छ। साथै आजै पशुपति आर्यघाटमा दाहसंस्कार गरिने जनाइएको छ।
उनको निधनप्रति विभिन्न राजनीतिक दलका नेता तथा शुभेच्छुकहरूले श्रद्धाञ्जली व्यक्त गरिरहेका छन्।
