फाइल तस्बिर इटहरी । सुनसरीको इटहरीमा शनिबार राति मोटरसाइकल दुर्घटना हुँदा एक जना गम्भीर घाइते भएका छन् ।
इटहरी उपमहानगरपालिका-४ तुलसा टोल छिर्ने मोडनजिकै स्थित कोशी लोकमार्गमा धरानबाट इटहरी तर्फ आउदै गरेको प्र१-०२-०४१ प ३१६० नं. को मो.सा. आफै अनियन्त्रित भई दुर्घटना भएको हो ।
हिजो राति ९ः१० बजेतिर भएको दुर्घटनामा चालक स्थानीय ३४ वर्षीय मदन भण्डारीको टाउको तथा अनुहारमा चोट लागे गम्भीर घाइते भएका हुन् ।
उनलाई तत्काल इटहरीस्थित बेदान्त हस्पिटलमा सामान्य उपचारपश्चात थप उपचारको लागि विराट मेडिकल कलेज टिचिङ अस्पताल बुढीगंगा मोरङ पठाइएको प्रहरीले जनाएको छ ।
तीव्र गतिका कारण दुर्घटनामा परेको मोटरसाइकल भने इलाका प्रहरी कार्यालय इटहरीको नियन्त्रणमा रहेको छ ।
नखुलेरको , कारण तिब्रगती ।
