विराटनगर । विगतका निर्वाचनबाट निर्वाचित सांसदले पिछडिएको मोरङ ५ लाई उकास्न नसकेको गुनासो राख्ने मतदाताहरू मनोजकुमार अग्रवालबाट भने केही आशावादी देएिका छन् ।
लामो समयदेखि राजनीति र सामाजिक गतिविधिमा सक्रिय रहेका अग्रवालले यस क्षेत्रको सर्वांगीण विकासमा भूमिका खेल्न सक्ने भन्दै मतदाता आशावादी देखिएका हुन् ।
मोरङका ६ वटा निर्वाचन क्षेत्रमध्ये सबैभन्दा धेरै पछि परेको मोरङ–५ लाई समुन्नत बनाउन योगदान दिन सक्नेमा मतदाता ढुक्क देखिएका हुन् ।
पारदर्शिता, जवाफदेही नेतृत्व र दीगो नीति–निर्माणमा आधारित दृष्टिकोण राख्ने मनोजले यो क्षेत्रको विकास र आर्थिक समृद्धिमा ध्यान दिनसक्ने उनीहरूको विश्वास छ ।
आसन्न चुनावको तयारीका लागि मतदाताको घरदैलो पुगिरहेका मनोजलाई मतदाताले सकारात्मक प्रतिक्रिया दिने गरेका छन् । उनीहरू स्वतस्फूर्त चुनावी ¥यालीमा सहभागी हुनेगरेका छन् ।
सामाजिक छवि र सांगठनिक बलका आधारमा चुनावी मैदानमा होमिएका अग्रवालका पक्षमा मतदाताहरू खुल्न थालेका छन् ।
अझ, नेकपा एमालेमा आस्था राख्नेहरू पनि पछिल्ला दुई वटा निर्वाचनको तुलनामा यसपालि खुसी छन् ।
किनकि, यसपटक एमालेले आफ्नो आधिकारिक उम्मेदवारका रूपमा मनोजलाई अगाडि सारेपछि उनीहरूले सूर्य चिह्नमा नै भोट हाल्न पाउने छन् ।
यसअघि २०७४ सालमा तत्कालीन माओवादीसँग एकता गरेको एमालेले शिवकुमार मण्डललाई सहयोग गरी जिताएको थियो ।
२०७९ सालमा एमालेले जसपाका राजकुमार यादवलाई सघाएको भए पनि स्वतन्त्र उम्मेदवार योगेन्द्र मण्डल निर्वाचित भएका थिए ।
