काठमाडौं । पैदलयात्रीलाई मुक्का हानेको आरोपमा एक व्यक्तिलाई ट्राफिक प्रहरीले पक्राउ गरेको छ। पक्राउ पर्ने कार चालक पारस बम रहेको काठमाडौं उपत्यका ट्राफिक प्रहरी कार्यालय रामशाहपथका एसएसपी नवराज अधिकारीले जानकारी दिए।
उक्त घटना चप्पल कारखाना अगाडि भएको बताइएको छ। भिडियोमा कारबाट झरेका ती व्यक्तिले पैदलयात्रीलाई गाली गर्दै कुटपिट गरेको देखिन्छ। पछि एक महिला आएर पनि गाली गरेको सुनिन्छ।
घटनाको भिडियो सामाजिक सञ्जालमा भाइरल भएपछि प्रहरीले अनुसन्धान थालेको थियो। पक्राउ परेका बमलाई हाल ट्राफिक प्रहरी कार्यालय रामशाहपथमा राखिएको छ र घटनाबारे थप अनुसन्धान भइरहेको प्रहरीले जनाएको छ।
