चितवन — चितवनको भरतपुर महानगरपालिका–१५ मा शुक्रबार बिहान भएको सडक दुर्घटनामा एक जनाको मृत्यु भएको छ भने एक जना गम्भीर घाइते भएका छन्।
जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालका अनुसार टुरेचोकबाट शीतलचोकतर्फ आउँदै गरेको मिनीट्रकले रामपुरबाट भरतपुरतर्फ जाँदै गरेको मोटरसाइकललाई ठक्कर दिएको थियो।
Advertisement
दुर्घटनामा मोटरसाइकल चालक स्याङ्जाका २६ वर्षीय सुरज थापाको मृत्यु भएको प्रहरीले जनाएको छ। मोटरसाइकलमा सवार स्याङ्जाको हरिनास गाउँपालिका–४ की २२ वर्षीया निरुता थापा गम्भीर घाइते भएकी छन्। उनको चितवन मेडिकल कलेजमा उपचार भइरहेको छ।
दुर्घटनापछि फरार भएका मिनीट्रक चालकको खोजी भइरहेको प्रहरीले जनाएको छ।
