बिर्तामोड — झापाको भद्रपुर नगरपालिका–१० सत्रविघेमा भएको सिरिन्ज आक्रमणमा एक जनाको मृत्यु भएको छ।
अज्ञात व्यक्तिहरूको आक्रमणमा सोही स्थानका बासिन्दा खेम ढकालको ज्यान गएको जिल्ला प्रहरी कार्यालय झापाले जनाएको छ। बिहीबार साँझ ढकाल छिमेकीको घरबाट आफ्नै निवासतर्फ फर्किने क्रममा आक्रमणमा परेका थिए।
सिरिन्ज प्रहारबाट गम्भीर घाइते भएका ढकाललाई उपचारका लागि अस्पताल लैजाँदै गर्दा बाटोमै मृत्यु भएको प्रहरीले जनाएको छ।
घटनामा संलग्न भएको आशंकामा प्रहरीले सिरहाका २६ वर्षीय दीपेशकुमार सिंहलाई पक्राउ गरेको छ। जिल्ला प्रहरी कार्यालय झापाका प्रवक्ता खगेन्द्रबहादुर खड्काका अनुसार पक्राउ परेका व्यक्तिमाथि थप अनुसन्धान भइरहेको छ।
सिरिन्जमा प्रयोग गरिएको पदार्थबारे हालसम्म यकिन हुन नसकेको प्रहरीले जनाएको छ। घटनाको कारण र अन्य संलग्न व्यक्ति भए–नभएकोबारे अनुसन्धान जारी रहेको बताइएको छ।
