काठमाडौं । बूढानीलकण्ठबाट स्रोत नखुलेको साढे १८ लाख रुपैयाँसहित एक जना पक्राउ परेका छन्। पक्राउ पर्नेमा उदयपुर घर भएका ४५ वर्षीय प्रविन किसन रहेका छन्।
प्रहरी प्रभाग बूढानीलकण्ठबाट खटिएको टोलीले उनलाई पक्राउ गरेको हो। जिल्ला प्रहरी परिसर काठमाडौंका एसपी पवनकुमार भट्टराईका अनुसार किसनबाट स्रोत नखुलेको नगद साढे १८ लाख रुपैयाँ बरामद गरिएको छ।
पक्राउ परेका किसनलाई आवश्यक अनुसन्धानका लागि आन्तरिक राजस्व कार्यालय हरिहर भवन, ललितपुर पठाइएको प्रहरीले जनाएको छ।
