काठमाडौं । काठमाडौं महानगरपालिका–३२ बालकुमारी पुलस्थित सडकमा पिकअप भ्यानको ठक्करबाट एक पैदलयात्री महिलाको मृत्यु भएको छ।
बा. प्र. ०३–०२६ च १७०६ नम्बरको पिकअप भ्यानले ठक्कर दिँदा अन्दाजी ५० वर्षीया, नामथर खुल्न नसकेकी महिला गम्भीर घाइते भएकी थिइन्। शनिबार राति भएको उक्त दुर्घटनापछि उनलाई उपचारका लागि सिनामंगलस्थित केएमसी अस्पताल लगिएको थियो।
गम्भीर घाइते महिलाको उपचारकै क्रममा मृत्यु भएको प्रहरीले जनाएको छ। दुर्घटनामा संलग्न पिकअप भ्यानका चालकलाई प्रहरीले नियन्त्रणमा लिएर घटनाबारे अनुसन्धान अघि बढाएको छ।
