काठमाडौं — भोजपुरको हतुवागढी गाउँपालिका–९ मचुवाबाट करिब ५०० किलो गाँजासहित आमचोक गाउँपालिका–९ का २९ वर्षीय रूद्रबहादुर श्रेष्ठसहित १० जना पक्राउ परेका छन्।
केन्द्रीय प्रहरी समाचारकक्षका अनुसार उनीहरू बिहीबार पक्राउ परेका हुन्। शङ्कास्पद गतिविधिमा संलग्न उनीहरू एउटा ट्र्याक्टरमा आफ्नो गन्तव्यतर्फ जाँदै गर्दा प्रहरीले नियन्त्रणमा लिएको हो।
प्रहरीले ना७त ३५० नम्बरको ट्र्याक्टर जाँच गर्दा ४३ वटा बोरामा राखिएको उक्त परिमाणको गाँजा फेला पारेको जनाएको छ।
पक्राउ परेका सबैलाई हिरासतमा राखी थप अनुसन्धान भइरहेको छ। ट्र्याक्टर पनि प्रहरीले नियन्त्रणमा लिएको छ।
