विराटनगर । नेपाल खेलकुद महासंघका केन्द्रीय अध्यक्ष पर्शुराम बस्नेत नेकपा एमालेको ११ औं महाधिवेशनबाट केन्द्रीय सदस्य पदमा निर्वाचित भएका छन् ।
महाधिवेशनमा खुला समूहबाट उम्मेदवारी दिएको बस्नेत ११३७ मत प्राप्त गर्दै केन्द्रीय सदस्य निर्वाचित भएका हुन् ।
एमाले कोशी प्रदेश कमिटीका सचिवालय सदस्य एवम् विराटनगर महानगरपालिका इञ्चार्ज समेत हुन् ।
बस्नेतले महाधिवेशनमा अध्यक्षमा निर्वाचित केपी ओलीको समूहबाट उम्मेदवारी दिएका थिए ।
कोशी प्रदेश खेलकुद विकास बोर्डका संस्थापक सदस्य-सचिव बस्नेतको युवा, खेलकुदकर्मी माझ लोकप्रिय युवा नेताको छवि रहेको छ ।
