विराटनगर । नेकपा (एमाले) का युवा नेता मुकेश बुढाथोकी र अर्जुन गिरीले पार्टीको ११औं राष्ट्रिय महाधिवेशनका लागि युवा प्रतिनिधि पदमा उम्मेदवारी दिएका छन् ।
बुढाथोकीले मंसिर २७ देखि २९ गतेसम्म हुने ११औं राष्ट्रिय महाधिवेशनका लागि मोरङ निर्वाचन क्षेत्र नम्बर ४ बाट पुरुष खुल्ला युवातर्फ महाधिवेशन प्रतिनिधिको उम्मेदवारी मनोनयन दर्ता गरेका हुन् ।
यसैगरी, ग्रामथान गाउँपालिका निवासी अर्जुन गिरीले पनि महाधिवेशन प्रतिनिधि पदमा युवा कोटातर्फको उम्मेदवारी दिएका हुन् ।
बुढाथोकी र गिरी दुवै जना सामाजिक कार्यमा सक्रिय छन् । गिरीले क्यान्सरबाट ग्रसित ग्रामथानका दुई युवाहरूका लागि उपचार खर्च संकलन गर्न महत्त्वपूर्ण भूमिका बहन गरेका थिए ।
यही मंसिर २७ देखि २९ गतेसम्म काठमाडौंमा एमालेको राष्ट्रिय महाधिवेशन हुँदै छ ।
