विराटनगर । विराटनगर महानगरपालिका-९ मा अवस्थित ग्रिनल्यान्ड कलेजले परीक्षामा उत्कृष्ट नतिजा आत्मसात् गर्ने विद्यार्थीहरूलाई सम्मान गरेको छ ।
कलेजले आइतबार एक विशेष समारोहका बीच कलेजका उत्कृष्ट विद्यार्थीहरूलाई सम्मान गरेको हो ।
कलेज परिसरमै आयोजित कार्यक्रममा एमबिबिएस प्रवेश परीक्षामा उत्कृष्ट प्रदर्शन गर्ने तीन विद्यार्थीसहित कक्षा ११ र १२ का विभिन्न संकायका टपरहरूलाई सम्मान गरिएको हो ।
एमबिबिएस प्रवेश परीक्षामा पूर्ण छात्रवृत्तिमा नाम निकाल्ने विद्यार्थीहरूमध्ये स्मृति खानले ५१ औँ स्थान, अभिषेक मण्डलले १०४ औँ स्थानमा र काव्य यादवले नाम निकालेका थिए ।
कार्यक्रममा बोल्दै स्मृति खानले मेहनत र शिक्षकको निर्देशनअनुसार अध्ययन गरे सफलता पाउन सकिने बताइन् ।
अभिषेक मण्डलले पनि धैर्यता, लगनशीलता र नियमितताले आफू सफल भएको बताउँदै विद्यार्थीले शिक्षकको मार्गदर्शन पछ्याए अवश्यै सफलता मिल्ने धारणा राखे ।
कार्यक्रममा कलेजका प्रिन्सिपल दिनेश दाहालले कलेजले प्रदान गर्दै आएको गुणस्तरीय शैक्षिक वातावरणका कारण विद्यार्थीहरूले निरन्तर राम्रो नतिजा ल्याईरहेका बताए।
कार्यक्रममा कलेजका प्रिन्सिपल दिनेश दाहालले कलेजले प्रदान गर्दै आएको गुणस्तरीय शैक्षिक वातावरणका कारण विद्यार्थीहरूले निरन्तर राम्रो नतिजा ल्याईरहेका बताए ।
कोशी प्रदेशमा अग्रणी शैक्षिक संस्थाका रूपमा कहलिएको कलेजले कक्षा ११ र १२ को आन्तरिक परीक्षामका उत्कृष्ट विद्यार्थीहरूलाई समेत सम्मान गरेको थियो ।
कक्षा ११ को विज्ञानतर्फ प्रथम हुने विवर्सन सुवेदीका साथै दोस्रो र तेस्रो स्थान हाँसिल गरेका देवानन्द चौधरी र चन्द्रकान्त मण्डललाई सम्मान गरिएको थियो ।
यसैगरी, कक्षा ११ को व्यवस्थापनतर्फ प्रथम स्थान हासिल गरेका सुदीप साह, दोस्रो बनेकी मनिका मण्डल र तृतीय बन्न सफल मेघाकुमारी यादवलाई सम्मान गरिएको थियो ।
कक्षा १२ को व्यवस्थापन संकायमा प्रथम स्थान हासिल गर्न सफल भारती यादव, दोस्रो बनेका ओमप्रकाश यादव र तृतीय बनेकी अस्मिताकुमारी गोइत सम्मानित भइन् ।
कक्षा १२ कै विज्ञान संकायमा प्रथम बनेका दिवाकान्ता झा, दोस्रो बन्न सफल धीरज राजवंशी र तृतीय बनेका जितेनकुमार रोयलाई पनि सम्मान गरिएको थियो ।
कलेजले पछिल्लो एक दशकयता गुणस्तरीय शिक्षा प्रदान गर्दै आएको छ ।
कम्प्युटर विज्ञान, व्यवस्थापन संकाय र होटेल व्यवस्थापन संकाय गरी तीनवटै मुख्य संकायहरूमा गुणस्तरीय शिक्षा प्रदान गर्दै आएको छ ।
उत्कृष्ट शैक्षिक संस्थाका रूपमा सम्मानित बनेको ग्रिनल्यान्ड कलेज शैक्षिक क्षेत्रमै आफूलाई अब्बल सावित गर्न सफल बनेको छ ।
कलेजले आगुणस्तरीय शिक्षालाई प्राथमिकता दिँदै नवीनतम् प्रविधिमा आधारित शिक्षा प्रदान गर्न प्रतिबद्ध रहेको जनाएको छ ।
