विराटनगर । सुनसरीको कोशी गाउँपालिकाबाट बेवारिसे अवस्थामा ६ क्विन्टलभन्दा बढी गाँजा बरामद भएको छ ।
कोशी गाउँपालिका- ७ स्थितबाट बेवारिसे अवस्थामा १८ बोरा गाँजा प्रहरीले बरामद गरेको हो ।
चाडपर्व विशेष सुरक्षाअन्तर्गत गस्ती गर्ने क्रममा असोज १२ गते राति २ बजेको समयमा अस्थायी प्रहरी चौकी हरिपुरबाट खटिएको प्रहरी टोलीले ६ सय ३७ किलो ४५ ग्राम गाँजा बेबारीसे अवस्थामा फेला पारी बरामद गरेको हो ।
कोशी गाउँपालिका-७ स्थित पूर्व-पश्चिम लोकमार्गको सडक किनारामा १८ वटा प्लास्टिकको बोरामा प्याक गरी राखेको गाँजा बरामद भएको हो ।
तथापि, फरार ओसार पसारमा संलग्न ब्यक्तिहरूको खोजतलास प्रहरीले गरिरहेको छ ।
