विराटनगर । मोरङ प्रहरीले विराटनगरबाट ८५ हजार रुपैयाँसहित चार जना जुवाडेलाई पक्राउ गरेको छ ।
बुधबार बेलुका अन्दाजी १० बजेतिर विराटनगर महानगरपालिका-१४ स्थित जतुवाबाट जुवा खेल्ने चार जना मानिस पक्राउ गरिएको प्रहरीले जनाएको छ ।
स्थानीय राजेश रञ्जितकारको घरमा जुवा-तास खेलिरहेको अवस्थामा उनीहरूलाई नगद ८५ हजार ९८५ रुपैयाँसहित पक्राउ गरिएको मोरङ प्रहरी प्रवक्ता प्रहरी नायब उपरीक्षक कोपिला चुँडालले जानकारी दिइन् ।
उनीहरूलाई तीन थान मोटरसाइकलसहित प्रहरीले पक्राउ गरेको हो । पक्राउ परेका चारै जनालाई इलाका प्रहरी कार्यालय रानीमा ल्याई थप अनुसन्धान कार्य भइरहेको छ ।
