विराटनगर । अन्नपूर्ण राठी केबल इन्डस्ट्रिज लिमिटेड लिमिटेडले जेनजी आन्दोलनका क्रममा क्षति पुगेको जिल्ला प्रसाशन कार्यालय मोरङलाई सहयोग गरेको छ ।
गत भदौ २४ गते आन्दोलनकारीले लगाएको आगोले ध्वस्त बनेको मोरङ प्रशासनलाई अन्नपूर्ण राठी केबल इन्डस्ट्रिज लिमिटेड लिमिटेडले चार लाख बराबरको सामग्री हस्तान्तरण गरेको हो ।
सेवाग्राहीले अति आवश्यक सेवा पाउनबाट बञ्चित हुन नपरोस् भन्ने उद्देश्यले अन्नपूर्ण राठी केबुल इन्डस्ट्रिजले कम्प्युटर, प्रिन्टर र बिजुली वाइरिङका लागि तार हस्तान्तरण गरेको हो ।
जेनजी आन्दोलका क्रममा पूर्ण रूपमा क्षति पुगेको जिल्ला प्रशासन कार्यालय मोरङमा सेवाग्राहीले पूर्ण रूपमा सेवा पाउन नसकेको अवस्थामा यस्तो प्रकारको सहयोगले केही भएपनी राहत हुने जिल्ला प्रशासन कार्यालय मोरङका प्रमुख जिल्ला अधिकारी ईन्द्रदेव यादवले बताए ।
कम्पनीको (सिएसआर) सामाजिक उतरदायित्वअन्तर्गत उक्त सहयोग गरेको उद्देश्यले अन्नपूर्ण राठी केबुल इन्डस्ट्रिज लिमिटेडका अध्यक्ष श्याम राठीले बताए ।
यसअघि पनि अन्नपूर्ण राठी केबुल इन्डस्ट्रिजले विराटनगरको मालपोत कार्यालयलाई तीन लाख बराबरको सामग्री हस्तान्तरण गरेको थियो ।
